Héraðssamband Snæfellsnes og Hnappadalssýslu

Færslur: 2010 September

30.09.2010 07:52

Guðna gengur vel í Danmörk


Magnús og Axel lágu báðir í Danaveldi: Sigur hjá Guðna og Sigurði

 
Þrír leikir fóru fram í dönsku úrvalsdeildinni í kvöld sem markaði þar með lok annarar umferðar í deildinni. Magnús Þór Gunnarsson og Axel Kárason máttu báðir þola ósigur með sínum liðum en Guðni vann Íslendingaslaginn.

Guðni Valentínusson og félagar í Bakken Bears tóku á móti Magnúsi Þór og félögum í Aabyhoj í kvöld. Lokatölur reyndust 77-53 Bakken í vil. Guðni lék í 10 mínútur í leiknum og skoraði 6 stig. Magnús Þór gerði 3 stig í leiknum á rúmum 27 mínútum og setti 1 af 6 þriggja stiga skotum sínum í leiknum. Bakken hefur unnið tvo fyrstu leiki sína á tímabilinu en Aabyhoj tapað einum og unnið einn.
 
Axel Kárason og Værlöse tóku á móti SISU og máttu sætta sig við naumt 80-85 tap. Axel átti fínan leik með 7 stig, 6 fráköst og 4 stoðsendingar á rúmum 28 mínútum. Værlöse hefur tapað báðum leikjum sínum í deildinni.
 
Í gær var Sigurður Þór Einarsson svo í eldlínunni með Horsens IC sem sótti heim BK Amager. Horsens náði í góðan útisigur 73-91 þar sem Sigurður gerði 10 stig og gaf 3 stoðsendingar á 8 mínútum.
 
Aðeins þrjú lið í dönsku deildinni eru enn ósigruð, Guðni og félgar í Bakken, Sigurður og Horsens IC og svo Svendborg Rabbits.

Karfan.is

29.09.2010 07:34

10 Snæfellingar boðaðir á æfingu hjá U17

U17 ára forvalshópar á æfingum um helgina

Ungmennalandsliðin í blaki U17 ára koma saman um helgina á æfingum. Um er að ræða forvalshópa þar sem þjálfarar liðanna hafa valið 22 stúlkur og 16 stráka. Eftir helgina verða hóparnir skornir niður í 12 leikmenn sem halda á Norðurlandamót U17 í Ikast í Danmörku dagana 18.-22. október nk.

Zdravko Demirev er þjálfari U17 drengja og hefur valið eftirtalda leikmenn í forvalið.

NafnFélag
Hilmar Leó AntonssonVik/Reyni
Sigurður Helgi ÁgústssonUMFG
Baldur Þór SigurðssonUMFG
Tomasz WeyerUMFG
Friðfinnur KristjánssonUMFG
Stefán Gunnar ÞorsteinssonHK
Lúðvík Már MatthíassonHK
Lárus Jón ThorarensenStjarnan
Ævar Freyr BirgissonKA
Gunnar Pálmi HannessonKA
Jóhann EiríkssonKA
Geomar M. OrbonStjarnan
 Andreas Hilmir Halldórsson                              HK
Egill Þorri ArnarsonStjarnan
Benedikt Rúnar ValtýssonKA
Benedikt Baldur TryggvasonStjarnan

 

Apostol Apostolov er landsliðsþjálfari U17 stúlkna og hefur valið eftirtaldar stúlkur í forvalið:

NafnFélag
Sylvía Kolbrá HákonardóttirÞróttur Nes.
Rannveig Júlía SigurpálsdóttirÞróttur Nes.
Hafrún HálfdánardóttirÞróttur Nes.
Ragnheiður Björk HarðardóttirÞróttur Nes.
Kristina ApostolovaÞróttur Nes.
Lilja EinarsdóttirÞróttur Nes.
Katrín Sara ReyesVík.-Reynir
Jóhanna JóhannesdóttirVík.-Reynir
Véný ViðarsdóttirVík.-Reynir
Alda Dís ArnardóttirVík.-Reynir
Ísey Dísa HávarsdóttirKA
Sesselja FanneyjardóttirKA
Auður Anna JónsdóttirKA
Alda Ólína ArnarsdóttirKA
Sunna ValdimarsdóttirKA
Harpa BjörnsdóttirKA
Eva SigurðardóttirKA
Berglind Gígja JónsdóttirHK
Hugrún ÓskarsdóttirHK
Særún Erla BaldursdóttirHK
Nicole Hannah JohansenStjarnan
Ísabella Erna SævarsdóttirStjarnan

Ungmennin verða á fjórum æfingum um helgina og það verður svo tilkynnt á mánudag hvaða 12 leikmenn það eru sem fara í ferðina til Ikast.

29.09.2010 07:30

KSÍ heimtar stúku í Ólafsvík

KSÍ skyldar Víkinga að koma upp áhorfendastúku


"Ég er ósáttur við að knattspyrnusambandið skuli ekki á tímum eins og þessum, þegar staða sveitarfélaga er þröng, sýna tilslökun frá sínu leyfiskerfi. Hér hefur umgjörð leikja alltaf verið góð og aðstaða fyrir áhorfendur ágæt, aðkomufólk sem hingað hefur komið á leiki aldrei kvartað undan aðstöðunni þótt hér séu ekki föst áhorfendasæti við völlinn," segir Kristinn Jónasson bæjarstjóri í Snæfellsbæ. Nú þegar Víkingar eru aftur komnir upp í 1. deild setur KSÍ fram stífa kröfu um að félagið komi upp áhorfendastúku við Ólafsvíkurvöll með föstum sætum fyrir 300 áhorfendur. Forráðamenn Víkings funda með KSÍ forustunni á næstu dögum vegna þessa, en sú staða blasir nú við að Víkingar fái ekki að óbreyttu að spila sína heimaleiki í Ólafsvík næsta sumar.

 

 

 

 

 

Síðast þegar Víkingar spiluðu í 1. deild, í fyrra og sumrin þar á undan var félagið á undanþágu með stúkumálin, en nú finnst forráðamönnum KSÍ ekki lengur stætt á því að veita áframhaldandi undanþágu. Kristinn bæjarstjóri sagði í samtalinu við Skessuhorn vera þeirrar skoðunar að miðað við stöðuna í þjóðfélaginu í dag, væri vel forsvaranlegt að veita umþóttunartíma, enda áhorfendur í Ólafsvík ekkert öðruvísi en á Ísafirði eða Bolungarvík, en lið Vestfirðinganna fær líklega undaþágu fyrsta sumarið í 1. deildinni.

"Það er dýrt fyrir samfélagið að fara upp um deild og við þurfum hér að ráðast í ýmiss verkefni, en vitaskuld er stutt í að stúkan komi," segir Kristinn. Kostnaður við umrædda áhorfendastúku er áætlaður um 30 milljónir króna, þar af greiði mannvirkjasjóður KSÍ um 10 milljónir króna. Áætlað er að stúkan við Ólafsvíkurvöll rísi í brekkunni undir svölunum þar sem farið hefur vel um áhorfendur til þessa og mun gera það áfram, að sögn Kristins bæjarstjóra í Snæfellsbæ.

 

27.09.2010 13:22

Fjölnir - Snæfell, æfingaleikur

Æfingaleikur kvennliða Fjölnis og Snæfells

Fjölnir og Snæfell áttust við í æfingaleik í Íþróttamiðstöðinni í Dalhúsum sunnudaginn 26. september.  Stelpurnar mættu aðeins of seint vegna úrslitaleiksins hjá strákunum og voru dálítið spenntar einsog allir þeir sem fylgdust með þeim leik.  Í upphafi var jafnt á milli liðunum, í stöðunni 9-10 fyrir Snæfell skoruðu heimastúlkur 11-2 og leiddu 20-12 eftir fyrsta leikhluta. 

 

Allt annað lið kom til leiks síðustu þrjá leikhlutana og sigruðu Snæfellsstúlkur annan leikhluta 10-25 og voru yfir í hálfleik 30-37.  Stigaskorið dreifðist jafnt og sýndu stelpurnar áræðni í leikhlutanum.  Varnarleikur beggja liða var ekki góður og þurfa bæði lið að skerpa vel á þeim hluta leiksins. 

 

Snæfellsstelpurnar komust í fimmtán stiga forystu í þriðja leikhluta 35-50 en þá gerðu þær sig sekar um að slaka á og Fjölnisstúlkur voru snöggar að nýta sér það, staðan eftir þrjá leikhluta 45-53.  Fjölnir náðu að minnka muninn niður í 50-55 en yfirvegun skilaði Snæfell fljótlega yfir 50-63 og silgdu þær sigrinum örugglega í hús 57-74.
 


Bæði lið þurfa að skerpa á leik sínum fyrir tímabilið og eru þau bæði að tefla fram gríðarlega ungum og efnilegum leikmönnum.  Það verður spennandi að fylgjast með Snæfellsstúlkum í vetur en fyrsti deildarleikurinn er gegn Hamri á útivelli miðvikudaginn 6. október.
 

Stigaskor leikmanna

Fjölnir: Maggie McCloskey 16, Bergþór Holton Tómasdóttir 9, Grétar María Grétarsdóttir og Eva María Emilsdóttir 8, Erla Sif Kristinsdóttir 6, Heiðrún Harpa Ríkarðsdóttir og Birna Eiríksdóttir 4 og Erna María Sveinsdóttir 2.
 

Snæfell: Inga Muciniece 13 stig, Jamie Braun 12, Björg Guðrún Einarsdóttir 11, Sara Mjöll Magnúsdóttir 10, Helga Hjördís Björgvinsdóttir og Berglind Gunnarsdóttir 8, Hildur Björg Kjartansdóttir 7, Ellen Alfa Högnadóttir 5 en þær Hrafnhildur Sif Sævarsdóttir og Aníta Rún Sæþórsdóttir léku en náðu ekki að skora.

 

26.09.2010 19:50

Snæfell Lengjubikarmeistarar


Snæfell Lengjubikarmeistari karla 2010
karfan.is

Snæfell Lengjubikarmeistari karla 2010

 
Gullæðinu er hvergi nærri lokið í Stykkishólmið því Snæfell eru Lengjubikarmeistarar í karlaflokki 2010. Æðið heldur áfram og nú lágu KR-ingar í valnum 97-93. Pálmi Freyr Sigurgeirsson fór á kostum í liði Snæfells með 33 stig, 6 fráköst og 3 stoðsendingar. Hjá KR var Hreggviður Magnússon með 24 stig og 6 fráköst. Pavel Ermolinskij var ekki síðri í liði KR með 17 stig, 17 fráköst og 10 stoðsendingar.
Íslands- og bikarmeistarar Snæfells byrjuðu betur og komust í 7-0 áður en miðherjinn Fannar Ólafsson kom KR á blað. Vesturbæingar voru þó fljótir að jafna sig og minnkuðu muninn í 9-8 en það voru Hólmarar sem leiddu 24-21 að loknum fyrsta leikhluta. Hreggviður Magnússon var með fína innkomu af bekknum í fyrsta leikhluta hjá KR og Atli Rafn Hreinsson sömuleiðis í liði Snæfells.
 
Sean Burton fékk sína þriðju villu snemma í öðrum leikhluta og sást lítið það sem eftir var fyrri hálfleiks, slíkt hið sama má segja um Fannar Ólafsson en nokkur harka var í öðrum leikhluta.
 
Pálmi Freyr Sigurgeirsson var stigahæstur Hólmara í hálfleik með 22 stig þar sem hann setti niður 4 af 5 þristum sínum en hann hélt rauðum við efnið. KR-ingar reyndust þó sprækari undir lok fyrri hálfleiks og leiddu 51-47 í leikhléi. Hreggviður Magnússon og Pavel Ermolinskij voru báðir með 12 stig í hálfleik hjá KR en Pavel auk þess 9 fráköst og 7 stoðsendingar.
 
Eftir um 25 mínútna leik gerðist tvennt nokkuð athyglisvert, Ryan Amoroso fékk sína fimmtu villu í liði Snæfells þegar hann fékk dæmt á sig tæknivíti. Dóminn hlaut Ryan fyrir að eiga við boltann eftir að hann fór ofan í körfu KR, Amoroso hafði fengið tvær aðvaranir í fyrri hálfleik fyrir að leika sama leik og lét sér ekki segjast. Dómarar leiksins gáfu honum því tæknivíti fyrir vikið og Amoroso sást ekki meir eftir frekar dapra frammistöðu í leiknum.
 
Í annan stað tók það Pavel Ermolinski aðeins 25 mínútur að landa þrennu, 15 stig, 10 fráköst og 10 stoðsendingar! KR-ingar voru ívið sterkari í þriðja leikhluta en Pálmi Freyr var sjóðandi heitur í liði Snæfells og skoraði nánast að vild. Fannar Ólafsson sá þó til þess að KR héldi forystunni og leiddu Vesturbæingar 80-78 að loknum þriðja leikhluta.
 
Með Amoroso fjarverandi héldu Hólmarar áfram í svæðisvörn sem gekk ágætlega enda gekk KR illa að finna körfuna með 4 þrista í 22 tilraunum! Þörf var á að annar leikmaður Snæfells myndi stíga upp á lokasprettinum enda Pálmi orðinn nokkuð þreyttur. Sean Burton svaraði kallinu og með fimm stigum í röð minnkaði hann muninn í 88-87, Hólmarar komnir á bragðið.
 
Næst dró til tíðinda þegar mínúta var til leiksloka en þá vippaði Burton sér upp á nýjan leik og smellti niður öðrum þrist og kom Snæfell yfir í fyrsta sinn í síðari hálfleik og staðan 93-95 fyrir Snæfell. Þegar 18 sekúndur voru til leiksloka átti Atli Rafn Hreinsson tvö vítaskot fyrir Snæfell sem bæði rötuðu rétta leið og staðan orðin 97-93 og KR-ingar skyndilega komnir með bakið upp við vegg eftir að hafa leitt lungan úr síðari hálfleik. Næsta sókn KR fór í súginn eftir erfitt þriggja stiga skot og því var eftirleikurinn auðveldur hjá Snæfell og lokatölur reyndust 97-93.
 
Stigaskor leikmanna:
 
Snæfell: Pálmi Freyr Sigurgeirsson 33/6 fráköst, Jón Ólafur Jónsson 20/7 fráköst, Sean Burton 18, Atli Rafn Hreinsson 10/6 fráköst, Lauris Mizis 9/5 fráköst, Ryan Amaroso 6/6 fráköst, Emil Þór Jóhannsson 1, Egill Egilsson 0, Sveinn Arnar Davíðsson 0, Gunnlaugur Smárason 0, Hlynur Hreinsson 0, Kristján Andrésson 0.
 
KR: Hreggviður Magnússon 24/6 fráköst, Pavel Ermolinskij 17/17 fráköst/10 stoðsendingar, Brynjar Þór Björnsson 15/4 fráköst/5 stoðsendingar, Finnur Atli Magnússon 13/6 fráköst, Fannar Ólafsson 10/5 fráköst, Skarphéðinn Freyr Ingason 7/4 fráköst, Ólafur Már Ægisson 3, Jón Orri Kristjánsson 2, Agust Angantynsson 2/4 fráköst, Matthías Orri Sigurðarson 0, Illugi Auðunsson 0, Martin Hermannsson 0.
 
Dómarar: Sigmundur Már Herbertsson, Björgvin Rúnarsson
 
Ljósmyndir/ Tomasz Kolodziejski: tomasz@karfan.is  
Umfjöllun/ Jón Björn Ólafsson: nonni@karfan.is 
 

24.09.2010 14:58

Aníta og Rebekka í U16 æfingahóp

Aníta og Rebekka í U16 æfingarhóp.

Aníta Rún

 

Aníta Rún Sæþórsdóttir og Rebekka Rán Karlsdóttir hafa verið boðaðar á æfingu með U16 landsliði í körfubolta. Þetta er 52. stúlknahópur sem er boðaður á æfingu hjá Margréti Sturlaugsdóttur í Ljónagryfjunni í Njarðvík. Eins og fyrr segir þá telur hópurinn 52 stúlkur og ljóst að það verður skorið niður í framhaldinu á æfingarhópnum. En við óskum Anítu og Rebekku góðs gengis og vonum að þær njóti sín sem best.

 

Rebekka Rán

23.09.2010 07:42

6 Víkingar í liði ársins

Víkingar með sex leikmenn í liði ársins


Lið ársins 2. deildVíkingar voru atkvæðamiklir þegar fotbolti.net opinberaði lið ársins í 2. deild í Gyllta salnum á Hótel Borg nú síðdegis. Alls áttu Víkingar 6 liðsmenn í liðinu og kom það í hlut þjálfara og fyrirliða deildarinnar að velja lið sumarsins.

Liðið er þannig skipað að Einar Hjörleifsson stendur í markinu, í vörninni eru þeir Brynjar Kristmundsson, Brynjar Gauti, Tomasz Luba og Anton Ásvaldsson (Hetti). Á miðjunni áttu Víkingar einn fulltrúa en það er Eldar Masic. Með Eldar eru þeir Stefán Eyjólfsson (Hetti) og Emil Pálsson (BI/Bolungarvík). Það þarf fáum að koma á óvart að Þorsteinn Már Ragnarsson er einn af þremur sóknarmönnum í liði ársins en með honum eru Andri Rúnar Bjarnason og Jónmundur Grétarsson sem báðir leika með BÍ/Bolungarvík.

Okkar maður Ejub Purisevic var kjörinn þjálfari ársins, Brynjar Gauti leikmaður ársins og Þorsteinn Már sá efnilegasti. Það má því með sanni segja að tímabilið hafi endað með miklum glæsibrag og eru okkar menn vel að þessu komnir.

Víkingurol.is óskar strákunum sem og öðrum leikmönnum til hamingju því ekkert af þessu væri mögulegt ef ekki væri fyrir góða liðsheild. Hér fyrir neðan má sjá nokkrar myndir og með því smella á þær er hægt að sjá þær stærri.
Luba ársins
Gauti ársins Masic ársins Þorsteinn ársins
Ejub ársins Víkingar ársins 
       

23.09.2010 07:18

Snæfell í úrslit Lengjubikarsins

Snæfell áfram í úrslitaleik Lengjubikarsins

Ryan skoraði 33 stig í leiknum

Byrjunarliðin.


Snæfell: Emil Þór, Nonni Mæju, Pálmi Freyr, Sean B, Ryan A.
Grindavík: Páll Axel, Ómar Örn, Guðlaugur E, Ólafur Ó, Andre Smith.

Dómarar leiksins voru þeir Eggert Þór Aðalsteinsson og Kristinn Óskarsson.

 

Liðin voru jöfn í fyrsta leikhluta og í stöðunni 8-8 hafði Andre skorað öll stig Grindavíkur og Snæfell náði aðeins forskoti en leikurinn jafnaðist aftur 17-17. 27-28 var staðan eftir fyrsta fjórðung fyrir Grindavík en Andre var kominn með 16 stig af þeim.

 

Snæfell byrjaði annan fjórðung með látum og skoruðu fyrstu 14 stigin og komust í 42-28. Snæfell hélt forskoti sínu í leikhlutanum þrátt fyrir þrjá þrista í röð hjá Grindavík á kafla og leiddu í leikhlé 61-50. Andre Smith var kominn með 22 stig fyrir Grindavík og Guðlaugur Eyjólfs 11 stig. Ryan Amoroso var kominn með 23 stig fyrir Snæfell, Emil Þór 11 stig og Pálmi 10 stig.

 

Nonni Mæju fauk útaf fyrir lítið með 5 villur eftir 4 mín leik í þriðja hluta. Undir lok þriðja hleyptu Snæfellingar Grindavík nær sér sem voru að spila betri vörn en Snæfell leiddi þó 83-78. Í fjórða leikhluta náðu Grindvíkingar að jafna 93-93. Snæfellingaar týndust útaf á eftir Ómari hjá Grindavík fyrst Ryan og svo Lauris.

 

Lokamínúturnar voru æsispennandi og virkilega heitar en staðan var 97-95 fyrir Snæfell og Pálmi kláraði tvö á línunni. Snæfell sigraði leikinn 101-98 eftir hörku lokafjórðung beggja liða.

 

Snæfell mætir KR sem sigraði Keflavík 88-92,  í úrslitum Lengjubikarsins sunnudaginn 26. september í Laugardalshöllinni kl 15:30.



Atkvæðahæstu menn liðanna:

Snæfell:     Ryan 33 stig, 15 frák. Emil Þór 19 stig, Sean 17 stig, Pálmi 14 stig, 11 stoðs.

Fjölnir:    Andre 34 stig, Páll Axel 17 stig, 8 frák. Guðlaugur 16 stig.


Símon B. Hjaltalín.

20.09.2010 21:34

Þorsteinn bestur og Dominik efnilegastur

Glæsilegt sumar að baki | Lokahóf

20. september 2010
 

Það var mikið um dýrðir á lokahófi mfl. Víkings sem var haldið á Hótel Ólafsvík nú um helgina. Víkingsliðið kórónaði frábært tímabil með glæsilegum útisigri á næstbesta liði deildarinnar þar sem okkar mönnum tókst að koma knettinum fimm sinnum í markið en heimamenn aðeins tvisvar.

Þegar heim til Ólafsvíkur var komið höfðu stjórnarmenn gert allt klárt og kokkarnir á Hótel Ólafsvík tilbúnir með dýrindis krásir. Jónas Gestur Jónasson setti hátíðina áður en veislustjóri kvödsins Gunnar Örn Arnarson tók við stjórnartaumunum.

Þegar líða tók á kvöldið voru úrslit leikmannakosningar kunngjörð þar sem Þorsteinn Már Ragnarsson var valinn bestur en hann var jafnframt markahæsti leikmaður liðsins í sumar með 15 mörk. Dominik Bajda var valinn efnilegastur af þjálfurum og stjórn félagsins og óskum við þeim sem og öllum í liðinu til hamingju með frábært sumar.

Stjórnin vill að endingu koma á framfæri þakklæti sínu til allra sem lögðu hönd á plóg við að gera þetta sumar jafn eftirminnilegt líkt og raun ber vitni.

 
Þorsteinn og Dominik: Myndir tók Ingibjörg sumarliðadóttir

20.09.2010 21:32

Brynjar Gauti í U19

Brynjar Gauti í 22 manna hóp U-19

20. september 2010
Brynjar Gauti Guðjónsson fyrirliði Víkings Ó. var í síðustu viku valinn í 22 manna hóp U-19 ára landsliðs Ísland sem mætir Norður-Írum í tveimur æfingaleikjum sem fara fram í þessari viku. Sá fyrri stendur núna yfir og er háður á Sparisjóðsvellinum í Sandgerði.

Seinni leikurinn verður næstkomandi miðvikudag eða þann 22. september. Sá leikur verður háður á Fylkis-velli og hefst leikurinn kl. 16:00. Víkingurol.is verður af sjálfsögðu á staðnum og mun fylgjast með gangi mála.
Víkingur Ólafsvík

19.09.2010 21:28

Snæfell áfram

Snæfell - Fjölnir Lengjubikarinn -umfjöllun-

Byrjunarliðin í kvöld þegar Fjölnir mætti Snæfelli í Lengjubikarnum voru:

 

Snæfell: Nonni Mæju. Pálmi Freyr. Ryan Amoroso. Emil Þór og Sean Burton.

Fjölnir: Tómas Tómasson. Ægir Steinarsson. Sindri Kárason. Jón Sverrisson og Arnþór Guðmundsson.

 

Snæfell komst í upphafi leiks í 6-0 með þristum frá Ryan og Sean en leikurinn var rétt að byrja og byrjaði á harðahlaupum fram og til baka. Staðan var 21-13 fyrir Snæfell eftir fyrsta leikhluta og voru þeir aðeins sprækari á sprettinum en Fjölnismenn þó lítill munur væri á milli liðanna framan af. Snæfell spilaði heldur þéttari vörn og fengu á móti auðveldari skot og lay-up.  Fjölnismenn reyndu oft pressu sem Snæfell leysti vel og náðu yfirleitt að skora eftir slíka.

 

Staðan eftir annan leikhluta var 39-34 og náðu Fjölnismenn að stilla sig betur af og voru að sækja í sig veðrið eftir að Snæfell höfðu komist 14 stigum yfir 25-13. Emil Þór var kominn með 12 stig hjá Snæfelli og Sean 10 stig. Ryan var kominn með 9 stig og 9 fráköst. Hjá Fjölni var Jón Sverrisson drjúgur með 10 stig og 5 fráköst. Ægir Þór 9 stig og Tómas 5 stig.

 

Fjölnir gáfu í í þriðja hluta með Tómas og Ægi í fararbroddi og minnkuðu muninn í 51-46 þegar Snæfell tók við sér og smelltu næstu 11 stigum og komust í 62-46. Eftir þriðja hluta stóðu leikar 65-54 fyrir Snæfell en hjá þeim var Sean Burton kominn með 4 villur. Snæfell komst í 73-58 en þá var komið að Fjölni með Tómas, Ægi og Jón Sverris. Þeir komu leiknum í 73-67 en Snæfellingar komu tilbúnir tilbaka. Jón Sverrisson fór svo útaf með 5 villur þegar um 4 mín voru eftir og staðan 82-67 fyrir Snæfell þar sem Ryan og Emil að skora vel. Á lokasprettinum gaf Snæfell í og kláraði annars gott lið Fjölnis 94-76.

 

Atkvæðamestu leikmenn liðanna:

 

Snæfell: Emil Þór 21 stig, 7 fráköst. Ryan Amoroso 20 stig, 12 fráköst. Sean Burton 17 stig, 7 frák og 5 stoðs.

 

Fjölnir: Ægir Þór 18 stig, 9 frák og 6 stoðs. Tómas Tómasson 18 stig, 5 stoð. Jón Sverrisson 17 stig, 8 frák.

 

Símon B. Hjaltalín.   

19.09.2010 11:52

Snæfell - Fjölnir í kvöld

8-liða úrslit Lengjubikarsins fara fram í kvöld

Í kvöld kemur í ljós hvaða fjögur lið tryggja sér sæti í undanúrslitum Lengjubikars karla en allir fjórir leikir 8-liða úrslitanna fara fram í kvöld.
Það verða án efa margir spennuleikirnir í kvöld en þau fjögur lið sem sátu hjá í fyrstu umferð Lengjubikarsins spila í kvöld en það eru Snæfell, Keflavík, KR og Njarðvík.

Leikir kvöldsins:
Snæfell-Fjölnir
Keflavík-Hamar
KR-KFÍ
Njarðvík-Grindavík
 
Allir leikirnir byrja kl. 19.15.

HSH

Nafn:

Héraðssamband Snæfellsnes og Hnappadalssýslu

Farsími:

865-0294

Afmælisdagur:

24 september 1922

Heimilisfang:

Sólvellir 3. 350 Grundarfirði

Staðsetning:

Snæfellsnes

Heimasími:

436-1635

Önnur vefsíða:

umfi.is

Kennitala:

620169-5289

Bankanúmer:

0191-15-370322

Tenglar

Flettingar í dag: 4
Gestir í dag: 3
Flettingar í gær: 2158
Gestir í gær: 46
Samtals flettingar: 3158010
Samtals gestir: 242739
Tölur uppfærðar: 25.9.2017 00:31:39
Flettingar í dag: 4
Gestir í dag: 3
Flettingar í gær: 2158
Gestir í gær: 46
Samtals flettingar: 3158010
Samtals gestir: 242739
Tölur uppfærðar: 25.9.2017 00:31:39