Héraðssamband Snæfellsnes og Hnappadalssýslu

Færslur: 2014 Febrúar

25.02.2014 15:47

Snæfellsstúlkur fá Deildarmeistarabikar á morgun


Deildarmeistararnir taka á móti bikarnum

Deildarmeistarar Snæfells fá bikarinn afhentan á morgun (miðvikudag) eftir leik sinn á móti Njarðvík. Leikurinn er spilaður hérna í Hólminum og hvetjum við allt stuðningsfólk okkar að koma og taka þátt í gleðinni með okkur. Stelpurnar hafa verið að spila frábærlega og eru vel að þessum titli komnar.

Ekki missa af því þegar Stelpurnar okkar lyfta Deildarmeistarabikarnum í fyrsta sinn í sögu félagsins.

Sjáumst á morgun kl. 19:15
Áfram Snæfell!

- See more at: http://snaefell.is/?p=3342#sthash.2yABJSi6.dpuf

 




25.02.2014 15:24

SamVest æfing 6 apríl

SamVest-samæfing í frjálsum, Laugardalshöll 6 apríl 2014


Kynning til iðkenda og foreldra

Héraðssamböndin UDN, USK, HSH, UMSB, UMFK, HSS og HHF boða til samæfingar fyrir iðkendur sína. 

Æfingin fer fram í Frjálsíþróttahöllinni Laugardal,, sunnudaginn 6 apríl . kl. 12.00 - 14.30.

  • Æfingin er þátttakendum að kostnaðarlausu
  • Nánari upplýsingar síðar

Kæru iðkendur og foreldrar!

Endilega fjölmennum - gaman saman, í frjálsum!

Gott væri að vita hverjir mætra, t.d. með því að láta vita inná Facebook síðu SamVest-samstarfsins sem allir SamVest-liðar geta fengið aðgang að. 

Með frjálsíþróttakveðju,

SAMVEST-samstarfið

Febrúar 2014







25.02.2014 10:14

Þakkir frá Snæfell


Ágætu stuðningsmenn og styrktaraðilar Snæfells


Ég undirritaður, formaður kkd Snæfells, þakka ykkur mikinn stuðning og um leið ótrúlega stemningu á úrslitaleik í bikarkeppni KKÍ sl. laugardag, hvort sem þið náðuð að vera með okkur í Höllinni eða sátuð í stofunni heima.

Því miður náðum við ekki að spila okkar besta leik og því stóðu sterkar Haukastúlkur uppi sem sigurvegar og óskum við þeim innilega til hamingju með bikarmeistaratitilinn.

Það eru bara forréttindi að komast í Höllina og fá tækifæri að taka þátt í slíkum viðburði. Allt íþróttafólk á Íslandi dreymir um slíkt en eins og við vitum að þá ná því ekki allir.

Snæfellsstelpur, við erum endalaust stolt af ykkar frammistöðu og þið hafið komið körfuboltanum á enn hærra plan hér í Hólminum.
Umgjörð leiksins, ungu stúlkurnar frá Snæfelli, sem hlupu með liðinu inn á völlinn, og þið, áhorfendur góðir, allt var þetta eins og best verður á kosið og íslenskum körfubolta til sóma.

Lífið heldur áfram og við tökum glöð á móti næstu verkefnum. Næsta miðvikudag leika stelpurnar okkar á móti Njarðvík í deildarkeppninni. Formaður KKÍ og fylgdarlið munu afhenda Snæfellsstelpunum deildarbikarinn, en þær eru þegar búnar að vinna þann titil og eiga samt 4 leiki eftir í deildinni - já enginn smá árangur !

Stuðningsfólk og styrktaraðilar Snæfells, um leið og við þökkum ykkur mikinn stuðning hingað til vonum við einnig að þið verðið með okkur til loka, þannig klárum við körfuboltavertíðina með sóma.Við ætlum okkur áfram sem hingað til að vera í hópi þeirra bestu.

Með baráttukveðjum og ÁFRAM SNÆFELL
Gunnar Svanlaugsson, formaður

- See more at: http://snaefell.is/?p=3329#sthash.HeiSOI3n.dpuf

Ágætu stuðningsmenn og styrktaraðilar Snæfells


Ég undirritaður, formaður kkd Snæfells, þakka ykkur mikinn stuðning og um leið ótrúlega stemningu á úrslitaleik í bikarkeppni KKÍ sl. laugardag, hvort sem þið náðuð að vera með okkur í Höllinni eða sátuð í stofunni heima.

Því miður náðum við ekki að spila okkar besta leik og því stóðu sterkar Haukastúlkur uppi sem sigurvegar og óskum við þeim innilega til hamingju með bikarmeistaratitilinn.

Það eru bara forréttindi að komast í Höllina og fá tækifæri að taka þátt í slíkum viðburði. Allt íþróttafólk á Íslandi dreymir um slíkt en eins og við vitum að þá ná því ekki allir.

Snæfellsstelpur, við erum endalaust stolt af ykkar frammistöðu og þið hafið komið körfuboltanum á enn hærra plan hér í Hólminum.
Umgjörð leiksins, ungu stúlkurnar frá Snæfelli, sem hlupu með liðinu inn á völlinn, og þið, áhorfendur góðir, allt var þetta eins og best verður á kosið og íslenskum körfubolta til sóma.

Lífið heldur áfram og við tökum glöð á móti næstu verkefnum. Næsta miðvikudag leika stelpurnar okkar á móti Njarðvík í deildarkeppninni. Formaður KKÍ og fylgdarlið munu afhenda Snæfellsstelpunum deildarbikarinn, en þær eru þegar búnar að vinna þann titil og eiga samt 4 leiki eftir í deildinni - já enginn smá árangur !

Stuðningsfólk og styrktaraðilar Snæfells, um leið og við þökkum ykkur mikinn stuðning hingað til vonum við einnig að þið verðið með okkur til loka, þannig klárum við körfuboltavertíðina með sóma.Við ætlum okkur áfram sem hingað til að vera í hópi þeirra bestu.

Með baráttukveðjum og ÁFRAM SNÆFELL
Gunnar Svanlaugsson, formaður

- See more at: http://snaefell.is/?p=3329#sthash.HeiSOI3n.dpuf
Þakkarbréf til stuðningsmanna og styrktaraðila Snæfells

Ágætu stuðningsmenn og styrktaraðilar Snæfells


Ég undirritaður, formaður kkd Snæfells, þakka ykkur mikinn stuðning og um leið ótrúlega stemningu á úrslitaleik í bikarkeppni KKÍ sl. laugardag, hvort sem þið náðuð að vera með okkur í Höllinni eða sátuð í stofunni heima.

Því miður náðum við ekki að spila okkar besta leik og því stóðu sterkar Haukastúlkur uppi sem sigurvegar og óskum við þeim innilega til hamingju með bikarmeistaratitilinn.

Það eru bara forréttindi að komast í Höllina og fá tækifæri að taka þátt í slíkum viðburði. Allt íþróttafólk á Íslandi dreymir um slíkt en eins og við vitum að þá ná því ekki allir.

Snæfellsstelpur, við erum endalaust stolt af ykkar frammistöðu og þið hafið komið körfuboltanum á enn hærra plan hér í Hólminum.
Umgjörð leiksins, ungu stúlkurnar frá Snæfelli, sem hlupu með liðinu inn á völlinn, og þið, áhorfendur góðir, allt var þetta eins og best verður á kosið og íslenskum körfubolta til sóma.

Lífið heldur áfram og við tökum glöð á móti næstu verkefnum. Næsta miðvikudag leika stelpurnar okkar á móti Njarðvík í deildarkeppninni. Formaður KKÍ og fylgdarlið munu afhenda Snæfellsstelpunum deildarbikarinn, en þær eru þegar búnar að vinna þann titil og eiga samt 4 leiki eftir í deildinni - já enginn smá árangur !

Stuðningsfólk og styrktaraðilar Snæfells, um leið og við þökkum ykkur mikinn stuðning hingað til vonum við einnig að þið verðið með okkur til loka, þannig klárum við körfuboltavertíðina með sóma.Við ætlum okkur áfram sem hingað til að vera í hópi þeirra bestu.

Með baráttukveðjum og ÁFRAM SNÆFELL
Gunnar Svanlaugsson, formaður

- See more at: http://snaefell.is/?p=3329#sthash.HeiSOI3n.dpuf



19.02.2014 13:52

Fréttir af stelpunum í knattspyrnuninni

Laugardaginn  15. febrúar 2014 var í fyrsta skipti verða haldið Pæjumót TM að vetri. Mótið  fór fram í íþróttahöllinni Kórnum í Kópavogi  í samvinnu TM og  HK/Víkings.

Mótið var  að þessu sinni  fyrir fótboltastelpur í 5., 6., og 7. flokki.

 5. Flokkur kvk héðan af nesinu spiluðu 4 leiki og  stóðu stelpurnar sig rosalega vel,  þær unnu alla sína leiki nema einn.

 

 

Meistarflokkur kvk  Víkings gerði góða hluti sama dag og heimsóttu Keflavík.

Leikurinn endaði 1 - 1  og  skoraði Ásdís Lilja  glæsilegt mark fyrir Víkinga  eftir góða fyrirgjöf úr hornspyrnu frá Halldóru Dögg Hjörleifsdóttur.



14.02.2014 01:58

Vinnuþjarkur HSH 2013


Vinnuþjarkur HSH var útnefndur í hálfleik Snæfell og ÍR

Stjórn meistaraflokks Snæfells í körfubolta eru vinnuþjarkar HSH 2013


Myndir tók Sumarliði

14.02.2014 01:31

Hildur Björg Kjartansdóttir íþróttamaður HSH 2013


Í hálfleik hjá Snæfell og ÍR  voru íþróttamenn HSH 2013 útnefndir.
Íþróttamaður HSH og körfuboltamaður HSH
Hildur Björg Kjartansdóttir, Snæfell



Frjálsíþróttamaður HSH Katrín Eva Hafsteinsdóttir, Snæfell


Hestíþróttamaður HSH, Siguroddur Pétursson, Snæfelling


Blakmaður HSH, Bergur Einar Dagbjartsson, Umf.Grundarfjarðar
Svanhildur, systir Bergs tók við viðurkenninguni


Skotíþróttamaður HSH Unnsteinn Guðmundsson, Skotgrund


Knattspyrnumaður HSH, Einar Hjörleifsson, Umf.Víking


Kylfingur HSH, Hermann Geir Þórsson, Vestarr



12.02.2014 10:19

Íþróttamaður HSH 2013

Á leik Snæfells og ÍR á fimmtudag verður íþróttamaður HSH 2013 útnefndur
Einnig er Vinnuþjarkur HSH útnefndur við sama tækifæri.


Stelpurnar byrja veisluna á því að fá Val í heimsókn (strax eftir þann leik spilar unglingaflokkur kvenna einnig við Val).
Strákarnir eiga svo stóran möguleika á því að koma sér vel fyrir í 8. sætinu en til þess þarf sigur og ekkert annað!
Komdu og taktu þátt í þessari veilsu með okkur. Það er ekki í hverri viku sem haldnar eru veislur, hvað þá í miðri viku.


12.02.2014 10:17

Frjálsíþróttaæfing 16 feb, í Laugardalshöll

Samæfing í frjálsum íþróttum
SamVest og KR í Laugardalshöll 16. febrúar 2014
Kynning til iðkenda og foreldra

Héraðssamböndin UDN, USK, HSH, UMSB, UMFK, HSS og HHF (SamVest samstarfið) - í samstarfi við frjálsíþróttadeild KR - boða til samæfingar í frjálsum íþróttum fyrir iðkendur sína.

Æfingin fer fram í Laugardalshöllinni, Reykjavík, sunnud. 16. febrúar 2014 frá kl. 11.00 - 14.00.

Eftirfarandi er ákveðið með æfinguna:

·         Vegna samstarfsins við KR og fyrirkomulagsins nú, er þessi æfing fyrir iðkendur frá 9 ára aldri

o   10 ára (árgangur 2004) og eldri fara í aldursskiptar æfingastöðvar (sjá hér síðar)

o   9 ára (árg. 2005) verða í sérstökum hópi með sérdagskrá að hluta, frá kl. 11-13.

·         Áhersla er á eftirtaldar greinar - og þjálfarar í þeim verða:

o   Umsjón: Kristín Halla Haraldsdóttir, þjálfari UMFG, Grundarfirði 

o   Yngri hópur, 9 ára - blandaðar æfingar: Þórunn Sigurðardóttir KR, Axel Sigurðsson UMSB og Halldór Lárusson UMSK - eftir fjölda þátttakenda og þörfum.

o   Langstökk: gestaþjálfari Hlynur Guðmundsson, yfirþjálfari, Aftureldingu Mosfellsbæ.

o   Kúluvarp fyrir alla og kringlukast fyrir þau sem vilja, innan hvers aldurshóps: 
gestaþjálfari Jón Bjarni Bragason, umsjónarþjálfari yngri flokka og kastþjálfari hjá Breiðabliki og Kristín Halla Haraldsdóttir, UMFG.

o   Grindahlaup og boðhlaup: Rakel Gylfadóttir, yfirþjálfari, KR. 

o   Lengri hlaup og 200 m hlaup með tímamælingu fyrir þau sem vilja: 
Sveinn Margeirsson, KR. 

·         Yngsti hópurinn, 9 ára, lýkur æfingu kl. 13. Eftir æfingu, uppúr kl. 14, ætlum við að borða saman í húsnæði ÍSÍ (í göngufæri). Verð 1150 kr. fyrir börn og 1450 kr. fyrir 15 ára og eldri.

·         Æfingin er þátttakendum að kostnaðarlausu - létt hressing/nesti meðan á æfingu stendur er í boði SamVest og KR - en matur eftir æfingu greiðist af hverjum þátttakanda fyrir sig.  

Kæru iðkendur og foreldrar!

Endilega fjölmennum - gaman saman, í frjálsum!

 

Við þurfum að vita hverjir koma á æfinguna og hverjir verða í mat. Endilega látið vita um mætingu inná Facebook síðu SamVest-samstarfsins, sem allir SamVest-liðar geta fengið aðgang að, eða í netfangið samvestsamstarfid@gmail.com fyrir hádegi föstud. 14. feb. KR-ingar láta sína þjálfara vita.

Með frjálsíþróttakveðju,

Framkvæmdaráð SamVest hópsins og frjálsíþróttadeild KR

11.02.2014 16:39

Hádegisfundur, af stað eftir meiðsli


Mánudaginn 17. febrúar kl.12:10 verður hádegisfundur í Íþróttamiðstöðinni í Laugardal þar sem Dr. Anna Hafsteinsson Östenberg sjúkraþjálfari og Vésteinn Hafsteinsson afreksþjálfari munu ræða þau ólíku sjónarmið sem upp geta komið á milli þjálfara afreksmannsins annars vegar og sjúkraþjálfarans hins vegar þegar íþróttamaðurinn er að fara aftur af stað eftir meiðsli. Hvenær er hann tilbúinn til æfinga eða keppni? Hver á að ráða, þjálfarinn eða sjúkraþjálfarinn? Fyrirlesturinn fer bæði fram á ensku og íslensku, er öllum opinn og þátttaka ókeypis. Skráning fer fram á skraning@isi.is 

11.02.2014 10:09

Samæfing í frjálsum 16 febrúar


SamVest-samæfing í Laugardalshöll, sunnudaginn 16. febrúar nk.
Æfingin mun standa frá 11.00 - 14.00. Að þessu sinni tökum við höndum saman með frjálsíþróttadeild KR, í Reykjavík. Þeirra krakkar verða með okkur - auk þjálfara frá þeim.
Þetta er lítil deild og nýleg - og þau höfðu frumkvæði að samstarfi. Höllin er stór og leyfir margar æfingastöðvar - margar greinar sem hægt er að þjálfa í einu, og skipta krökkunum í hópa. Við munum skipta þeim í hópa eftir aldri.
Af starfssvæði okkar koma a.m.k. 2-3 þjálfarar á æfinguna, við höfum fengið 2 gestaþjálfara (SamVest) - Hlynur Guðmundsson yfirþjálfari Aftureldingar í Mosfellsbæ verður með okkur (hann hefur verið 2var áður hjá okkur) - og svo annar til. Og svo mætir KR með 3 þjálfara á sínum vegum.
Að æfingu lokinni er ætlunin að borða saman. Matur verður á Café Easy sem er í næsta húsi við Laugardalshöllina.

11.02.2014 09:32

Erasmus, kynning 13 febrúar

Þér er boðið!

Kynning á Erasmus+

 


Erasmus+, ný mennta- æskulýðs- og íþróttaáætlun Evrópusambandsins, er komin á fullt skrið. Við hjá Evrópu unga fólksins bjóðum þér á kynningu í Sigtún 42, fimmtudaginn 13. febrúar frá klukkan 14-16. Þar verður farið yfir þau fjölmörgu tækifæri sem leynast í Erasmus+ fyrir æskulýðsgeirann á Íslandi.

Þú átt erindi á þessa kynningu ef þú starfar með ungu fólki á aldrinum 13-30 ára eða innan félaga ungs fólks. Farið verður ítarlega í þá styrkjamöguleika og verkefnagerðir sem standa æskulýðsgeiranum til boða og starfsmenn EUF munu sitja fyrir svörum á fundinum.
 
Þetta er tækifærið þitt til að komast almennilega inn í Erasmus+ og fá upplýsingarnar sem þú þarft til að taka þátt í evrópsku æskulýðsstarfi næstu árin!

Skráning fer fram hér:
http://bit.ly/1kvpEbz



Námskeið í gerð umsókna og mótun verkefna

Fimmtudaginn 20. febrúar mun Evrópa unga fólksins halda námskeið fyrir alla þá sem hafa áhuga á að sækja um styrk í æskulýðshluta Erasmus+. Áhersla verður lögð á kynnast skráningarkerfum umsækjenda, umsóknareyðublaðinu og hvaða atriði það eru sem gera gott verkefni.

Námskeiðið verður haldið í Sigtúni 42 og verður frá klukkan 14-18. Skráning á námskeiðið verður auglýst síðar.




Sjáumst hress og kát í Sigtúni á fimmtudaginn!
Kveðja
Evrópa unga fólksins

11.02.2014 09:01

Langar þig á námskeið í Grikklandi


Íþrótta- og Ólympíusamband Íslands auglýsir eftir tveimur þátttakendum, konu og karli, á námskeið ungs íþróttafólks (20 til 35 ára) á vegum alþjóða Ólympíuakademíunnar í Ólympíu í Grikklandi dagana 15. til 29. júní n.k. Að þessu sinni er umfjöllunarefnið ólympísk gildi (Olympic Values) og sérstök áhersla er lögð á virðingu fyrir fjölbreytileikanum. 

 

Flugferðir og uppihald eru þátttakendum að kostnaðarlausu.
Leitað er eftir einstaklingum sem náð hafa mjög góðum árangri í íþróttagrein (-greinum) og/eða sinnt kennslu/þjálfun/félagsstörfum innan íþróttahreyfingarinnar, ásamt því að sýna málefnum ólympíuhreyfingarinnar sérstakan áhuga. Þeir skulu hafa gott vald á ensku og/eða frönsku og vera fyrirmynd annars æskufólks í hvívetna.

Umsóknum skal skilað, á þar til gerðum eyðublöðum til skrifstofu ÍSÍ, Íþróttamiðstöðinni í Laugardal, ekki seinna en föstudaginn 1. mars n.k. Hægt er að nálgast umsóknareyðublöðin á heimasíðu ÍSÍ.

Umsókn skal skilað á ensku og skulu fylgja henni tvær passamyndir. 

Frekari upplýsingar veitir Ragnhildur Skúladóttir sviðsstjóri þróunar- og fræðslusviðs ÍSÍ sími 514 4000, ragnhildur@isi.is

Einnig má benda á heimasíður IOA www.ioa-sessions.org/ , ogwww.ioa.org.gr

10.02.2014 09:07

10 sigurleikurinn í röð

Snæfell deildarmeistari næsta örugglega - viðtöl

09.02.2014 nonni@karfan.is
Snæfell fann sinn tíunda deildarsigur í röð í Röstinni í dag þegar Hólmarar völtuðu yfir Grindavík 74-93. Toppliðið gaf sér þó drjúgan tíma til að finna sitt rétta andlit gegn gulum heimakonum sem léku án Ingibjargar Jakobsdóttur sem er meidd á ökkla. Seigla Hólmara braust þó út í þriðja leikhluta sem rauðar unnu 19-34 og kláruðu þar með leikinn. Chynna Brown átti flottan dag í liði Snæfells með 24 stig og 15 fráköst og þá bætti Hildur Sigurðardóttir við 21 stigi, 8 fráköstum og 6 stoðsendingum en Crystal Smith gerði 29 stig, tók 9 fráköst og gaf 8 stoðsendingar í liði Grindvíkinga. María Ben Erlingsdóttir var svo með 21 stig og 7 fráköst. Sigurdemban telur nú tíu í röð hjá Snæfell sem er félagsmet, gamla metið var sex sigurleikir í röð í deildinni en rauðar hafa sent það út í hafsauga.
 
 
 
Chynna Brown var stigahæst hjá Snæfell í hálfleik með 14 stig og 9 fráköst en þær Crystal Smith og María Ben Erlingsdóttir voru báðar með 13 stig í liði Grindavíkur.
 
 
Topplið Snæfells notaði hálfleikinn vel til þess að gíra sig upp í næstu 20 mínútur enda settu rauðir gestirnir 23 stig yfir Grindvíkinga á rétt rúmum sex mínútum og komust í 46-61. Jón Halldór Eðvaldsson bað þá um leikhlé og messaði hið augljósa yfir sínum konum, varnarræða til að stoppa í götin. Fjallræða Jóns náði ekki að kveikja neistann varnarlega það sem eftir lifði þriðja leikhluta því Snæfell setti 34 stig yfir Grindavík og leiddi 54-72 fyrir og fjórða og síðasta hluta. Mulingsvélin úr Stykkishólmi sýndi flestar sínar bestu hliðar á þessum tíu mínútum og lögðu hér grunninn að tíunda deildarsigrinum í röð.
 
Þess má svo geta að Alda Leif Jónsdóttir lék sínar fyrstu mínútur á árinu 2014 með Snæfell er hún kom inn af tréverkinu í þriðja leikhluta. Alda hefur verið mikið fjarverandi sökum erfiðra meiðsla og þéttast þá enn raðir Snæfells við endurkomuna. Því má svo bæta við að síðasti leikur Öldu fyrir meiðsli var einmitt gegn Grindavík.
 
Fjórði leikhluti var aldrei spennandi og reyndust lokatölur 74-93 fyrir Snæfell. Mögnuð frammistaða hjá toppliðinu en að sama skapi sýndi það sig að Grindvíkingar geta illa verið án leikmanns eins og Ingibjargar Jakobsdóttur.
 
 

04.02.2014 10:34

Hildur Björg Kjartansdóttir íþróttamaður Snæfells 2013

Hildur Björg íþróttamaður Snæfells árið 2013


Við óskum Hildi innilega til hamingju með nafnbótina

og hvetjum unga Snæfellinga að taka hana til fyrirmyndar. Hildur leggur alla jafna hart að sér og uppsker hún í takt við það. Hún er orðinn einn af mikilvægustu leikmönnum Snæfells og ein af þeim betri í deildinni.

04.02.2014 10:32

Snæfell í úrslitaleikinn



Það voru Snæfellsstúlkur sem fengu heimaleik gegn KR-stúlkum í undanúrslitum Poweradbikarsins. Þessi lið hafa verið að spila jafna leiki, spennandi og fyrirfram búist við hörkuleik því spilað var uppá miða í stórleikinn í Laugardalshöll 22. febrúar nk. Og það á ekki að þurfa að gíra leikmenn upp fyrir slíka viðburði.

Leikurinn hófst með látum en Snæfell komust strax í 13-4 en eftir að hafa verið 6-4 yfir setti Helga Hjördís sniðskot og þrist og heimastúlkur voru að spila sterka vörn og taka góð varnarfráköst eftir slök skot KR, Snæfell var einnig að taka mikilvæg sóknarfráköst. KR reyndi að pressa eftir skoraða körfu komust nær 16-12 en Snæfell leystu það þokkalega og Eva Margrét smellti þrist þegar mest á reyndi og KR voru að sækja í sig veðrið, 19-12 fyrir Snæfell. Staðan eftir fyrsta hluta 22-12 fyrir Snæfell sem var að stjórna leiknum.

  Um miðjan fjórða hluta var staðan 69-55 fyrir Snæfell og leikar fóru harðnandi. KR hittu ekki vel og flestir boltar hrukku til heimastúlkna sem voru að nýta sér það og komust í 75-55 og voru vel einbeittar í að klára þetta og ekki missa niður forskotið líkt og í síðasta leik gegn KR. Ebone Henry fór útaf eftir óíþróttamannslega villu þegar um 2:30 voru eftir og Snæfell 77-57 yfir. Snæfell tóku 19 sóknarfráköst eins og engin væri morgundagurinn og uppskáru annan séns trekk í trekk. Það var ekkert eftir á tank KR sem urðu að játa sig sigraðar og áttu einfaldlega engin svör í dag. Rebekka Rán Karlsdóttir rak svo síðasta naglan í leikinn með svakalegri flautukörfu og Snæfell sigraði sannfærandi 88-61 og fara í Laugardalshölllina 22. febrúar nk.

 

Snæfellstúlkur voru með 52 fráköst gegn 37 frá KR og 6 leikmenn Snæfells skiluðu yfir 10 stigum og allt liðið 114 í framlag gegn 59 frá KR.

Snæfell: Chynna Brown 27/9 frák/7 stoðs/3 stolnir. Hildur Björg 15/11 frák. Helga Hjördís 12/7 frák. Hildur Sigurðardóttir 11/6 frák/6 stoðs. Guðrún Gróa 10/8 frák/5 stoðs/6 stolnir. Eva Margrét 10/3 frák. Rebekka Rán 3. Hugrún Eva 0. Silja Katrín 0. Aníta Rún 0. Edda Bára 0.

 KR: Bergþór Holton 18/7 frák. Ebone Henry 17/4 frák/5 stoðs. Sigrún Sjöfn 6/7 frák/4 stoðs. Helga Einarsdóttir 6/8 frák. Björg Guðrún 6. Rannveig Ólafsdóttir 6. Sara Mjöll 2. Þorbjörg Andrea 0. Kristbjörg Pálsdóttir 0. Anna María 0. Ragnhildur Kristinsdóttir 0. Sólrún Sæmundsdóttir 0.

 

Símon B Hjaltalín.


  • 1

HSH

Nafn:

Héraðssamband Snæfellsnes og Hnappadalssýslu

Farsími:

865-0294

Afmælisdagur:

24 september 1922

Heimilisfang:

Sólvellir 3. 350 Grundarfirði

Staðsetning:

Snæfellsnes

Heimasími:

436-1635

Önnur vefsíða:

umfi.is

Kennitala:

620169-5289

Bankanúmer:

0191-15-370322

Tenglar

Flettingar í dag: 295
Gestir í dag: 34
Flettingar í gær: 437
Gestir í gær: 42
Samtals flettingar: 3151724
Samtals gestir: 242484
Tölur uppfærðar: 19.9.2017 21:53:49
Flettingar í dag: 295
Gestir í dag: 34
Flettingar í gær: 437
Gestir í gær: 42
Samtals flettingar: 3151724
Samtals gestir: 242484
Tölur uppfærðar: 19.9.2017 21:53:49