Siguroddur Pétursson - Íþróttamanneskja HSH 2024

Í gær, sunnudaginn 12.janúar var kynnt hver það var sem hlaut nafnbótina Íþróttamanneskja HSH árið 2024 að Langaholti. Að auki var Vinnþjörkum- og sjálfboðaliðum HSH veittar viðurkenningar fyrir þeirra störf.

Siguroddur Pétursson var kjörinn Íþróttamanneskja HSH 2024 ásamt því að vera Hestaíþróttamanneskja HSH 2024.

Siguroddur hefur staðið sig gríðarlega vel á árinu og á Landsmóti hestamanna keppti hann í B

flokki gæðinga á Sól frá Söðulsholti og var 5. efstur inn í A-úrslit sem er gríðarlega góður

árangur. Á alþjóðlegum stöðulista sem er inni á World Feng (alþjóðlegur gagnagrunnur íslenska hestsins)

er hann á meðal 20 efstu í fjórum greinum.

Í íþróttakeppni er staða hans á alþjóðlega stöðulistanum sem hér segir:

Í tölti T3 er hann í 3. sæti á Sól frá Söðulsholti með 7,57 í einkunn.

Í fjórgangi V2 er hann í 5. sæti á Sól frá Söðulsholti með 6,93 í einkunn.

Í fimmgangi F2 er hann í 14. sæti á Tign frá Hrauni með 6,53 í einkunn.

Í gæðingakeppni er staða hans á alþjóðlega stöðulistanum sem hér segir:

Í B flokki er hann í 11. sæti á Sól frá Söðulsholti með 8,73 í einkunn.

Á íþróttamóti Snæfellings var hann í 1. sæti fimmgang og fjórgang og 2. sæti í tölti.

Á Hestaþingi Snæfellings var hann í 1. sæti í B-flokk og 3. sæti í A- flokk.

Á Íþróttamóti Dreyra Akranesi var hann í 1. sæti í bæði tölti og fjórgangi á Sól frá Söðulsholti

og 2. sæti í fimmgangi og 1. sæti í gæðingaskeiði á Tign frá Hrauni.

Í KB mótaröðinni var hann í 1. sæti tölti og fjórgangi.

Frábær árangur og er öðrum knöpum til fyrirmyndar utan sem innan vallar.

Vinnuþjarkar HSH, þær Kristín Halla Haraldsdóttir, Björg Gunnarsdóttir og Ingunn Ýr Angantýsdóttir. Saman hafa þær myndað gott teymi þjálfara í frjálsum íþróttum á svæði HSH. Í dag stunda um 150 börn frjálsar íþróttir á svæðinu.

Blakíþróttamanneskja HSH - Anna María Reynisdóttir. Garðar Svansson sá um að taka við viðurkenningunni.

Skotíþróttamanneskja HSH - Arnar Geir Diego Ævarsson. Jón Pétur Pétursson sá um að taka við viðurkenningunni.

Knattspyrnumanneskja HSH - Asmer Begic

Kylfingur HSH - Rögnvaldur Ólafsson

Hestaíþróttamanneskja HSH - Siguroddur Pétursson

Körfuknattleiksmanneskja HSH - Snjólfur Björnsson

Íþróttafólk HSH 2024

Sjálfboðaliðum HSH voru veitt Silfurmerki HSH fyrir þeirra framlag til aðildarfélaga HSH.

Þau sem voru kjörnir Sjálfboðaliðar HSH 2024 voru:

Birta Antonsdóttir - Umf. Snæfell Fannar Hilmarsson - UMF. Víkingur/Reynir

Jón Pétur Pétursson - UMF. Grundarfjarðar

Ragnar Smári Guðmundsson - Vestarr

Unnsteinn Guðmundsson - Skotfélag Snæfellsness

HSH óskar öllum verðlaunahöfum til hamingju með árangurinn og aðstoðina árið 2024.

Ljósmyndir: Sumarliði Ásgeirsson

Annáll HSH 2024

Árið 2024 hefur verið viðburðarríkt hjá Héraðssambandi Snæfellsness og Hnappadalssýslu.

Íþróttafólk HSH 2023 var heiðrað í byrjun janúar. Það fólk sem var kjörið að þessu sinni voru:

Skotíþróttmanneskja HSH – Arnar Geir Diego Ævarsson

Blakíþróttamanneskja HSH – Anna María Reynisdóttir

Körfuknattleiksmanneskja HSH – Aron Ingi Hinriksson

Hestaíþróttamanneskja HSH – Harpa Dögg Bergmann Heiðarsdóttir

Knattspyrnumanneskja HSH – Ingvar Freyr Þorsteinsson

Kylfingur HSH – Sigurþór Jónsson

Arnar Geir Diego Ævarsson var kjörinn Íþróttamanneskja HSH 2024.

Að auki voru þau Gunnhildur Gunnarsdóttir og Magnús Ingi Bæringsson valin sem Vinnuþjarkar HSH 2023 fyrir vinnu þeirra við Landsmót UMFÍ 50+.

Öll aðildarfélög fengu tækifæri til þess að tilnefna sjálfboðaliða úr þeirra félagi sem sjálfboðaliða HSH 2023 og var öllu þessu frábæra fólki veitt viðurkenningarskjal og blómvöndur fyrir þeirra ómetanlega starf.

UMF. Víkingur – Ægir Ægisson

Hestamannafélagið Snæfellingur – Erna Sigurðardóttir

UMF. Grundarfjarðar – Gréta Sigurðardóttir

Golfklúbburinn Vestarr – Helga Ingibjörg Reynisdóttir

UMF. Snæfell – María Alma Valdimarsdóttir

Golfklúbburinn Mostri – Vignir Sveinsson

UMF. Eldborg – Kristján Ágúst Magnússon

Ársþing HSH var haldið þann 11.apríl 2024 að Lýsuhóli þar sem almenn þingstörf fóru fram. Breytingar voru gerðar á lögum HSH en ný lög, ársskýrslu og þinggerð má finna á heimasíðu HSH.

Mikil þátttaka var á meðal keppenda HSH á Unglingalandsmótin UMFÍ í ár en það var haldið í Borgarnesi. Rúmlega 50 keppendur tóku þátt í ár sem er töluvert meira en hefur verið síðustu ár. HSH keypti merktar derhúfur sem keppendum var afhent svo allir voru merktir. Almenn ánægja var með mótið, keppendur stóðu sig vel og voru héraðinu til sóma. Ingibjörg Eyrún Bergvinsdóttir tók að sér að vera verkefnastjóri á landsmótinu í ár fyrir hönd HSH og stóð sig með prýði.

Í byrjun september stóð HSH fyrir Skyndihjálparnámskeiði fyrir þjálfara aðildarfélaganna í Snæfellsbæ, Grundarfirði og Stykkishólmi. Rauði kross Íslands sá um að halda námskeiðið og var Gísli Pálsson leiðbeinandi. Námskeiðið var vel sótt. HSH stefnir að því að bjóða upp á skyndihjálparnámskeið fyrir þjálfara annað hvert ár að hausti til.

Í hreyfiviku Evrópu bauð HSH í samstarfi við ÍSÍ upp á fyrirlestur með Elísu Viðarsdóttur fyrir unglinga á Snæfellsnesi. Elísa er matvæla- og næringarfræðingur auk þess að vera landsliðskona í knattspyrnu. Fyrirlesturinn bar heitið: Næring fyrir heilbrigða framtíð.  

Um miðjan október var formannafundur HSH haldinn í Grunnskólanum í Stykkishólmi. Guðmunda Ólafsdóttir kom og vann að stefnumótun með formönnum aðildarfélaganna. Góðar umræður mynduðust og munu niðurstöður fundarins nýtast stjórn HSH og framkvæmdastjóra til að standa enn betur vörð um félögin.

HSH var útnefnt sem Fyrirmyndahérað ÍSÍ þann 15.október. Fyrirmyndahérað ÍSÍ er gæðaverkefni íþróttahreyfingarinnar er snýr að íþróttastarfi. Útbúin var handbók fyrir HSH með ýmsum gagnlegum upplýsingum, m.a. skipuriti, hlutverki stjórnarmanna, upplýsingum um aðildarfélögin, stefnum í ýmsum málaflokkum, lögum og reglugerðum ásamt fleiru. Hægt er að finna handbók HSH inni á heimasíðu HSH.

Í byrjun desember hélt Abler tvö netnámskeið, fyrir þjálfara og stjórnarfólk aðildarfélaga HSH.  

Framkvæmdastjóri HSH leggur nú lokahönd á vinnu við móttökubækling fyrir börn af erlendum uppruna. Bæklingurinn verður hluti af móttökupakka sem börn af erlendum uppruna eiga að fá í hendurnar frá HSH þegar þau flytja inn á svæði héraðssambandsins. Þar munu þau fá í hendurnar íþróttapeysu þess ungmennafélags sem þau tilheyra, auk annars varnings. Bæklingurinn verður gefinn út á fimm tungumálum, þ.e. íslensku, ensku, pólsku, úkrainsku og arabisku. Með móttökupakkanum er markmiðið að börnin finni sig velkomin og séu fljótari að aðlagast samfélaginu í gegnum íþróttirnar.

Framkvæmdastjórar héraða á Vesturlandi ásamt starfsmönnum svæðisstöðva ÍSÍ og UMFÍ hafa myndað gott teymi. Unnið er hörðum höndum að því að samræma stefnur, vinnubrögð og annað sem kemur að héruðunum. Þessa stundina er verið að vinna að sameiginlegri agastefnu fyrir þjálfara á Vesturlandi auk skipulags á deginum Allir með á Vesturlandi. Allir með er samstarfsverkefni íþróttahreyfingarinnar (ÍSÍ, UMFÍ og ÍF) en verkefnið gengur út á að fjölga tækifærum á hreyfingu fyrir börn með fötlun. Stefnt er að því að halda Allir með á Vesturlandi á nýju ári, nánar auglýst síðar.

Að lokum þökkum við öllum þeim sjálfboðaliðum og styrktaraðilum sem hafa staðið með okkur árið 2024 fyrir frábært samstarf og vonumst til þess að það verði enn betra á næsta ári.

f.h. HSH

Gunnhildur Gunnarsdóttir

Framkvæmdastjóri HSH

Abler netnámskeið fyrir stjórnarfólk

Skráning á eftirfarandi hlekk:

https://forms.gle/oW2RgB5gAEYXaCde8