Íþróttamaður HSH

Þriðjudaginn 23.janúar fór fram afhending verðlauna til Íþróttafólks HSH. Að auki var Dugnaðarforkum- og Sjálfboðaliðum HSH veittar viðurkenningar fyrir þeirra störf.

Arnar Geir Diego Ævarsson var kjörinn Íþróttamaður HSH 2023 ásamt því að vera Skotíþróttamaður HSH.

Arnar Geir hefur verið mjög virkur í starfinu hjá Skotfélagi Snæfellsness á nýliðnu ári og tekið þátt í fjölda móta. Arnar Geir varð Íslandsmeistari í PRS, en það er tiltölulega ný keppnisgrein á Íslandi þar sem keppt er í riffilskotfimi en keppendur þurfa að skjóta úr fjölbreyttum stellingum. Þetta er 6 móta mótaröð þar sem keppt er um allt land og þrjú bestu mótin telja til stiga. Arnar Geir tók þátt í öllum mótum ársins og stóð uppi sem Íslandsmeistari í verksmiðjuflokki, en keppt er í tveimur flokkum, opnum flokki og verksmiðjuflokki. Að auki hefur Arnar Geir staðið fyrir útbreiðslu PRS innan félagsins.

Eftirfarandi einstaklingar fengu verðlaun og viðurkenningar

Íþróttafólk HSH

Anna María Reynisdóttir - Blakíþróttamaður HSH

Arnar Geir Diego Ævarsson - Skotíþróttamaður HSH

Aron Ingi Hinriksson - Körfuboltamaður HSH

Harpa Dögg Bergmann Heiðarsdóttir - Hestaíþróttamaður HSH

Ingvar Freyr Þorsteinsson - Knattspyrnumaður HSH

Sigurþór Jónsson - Kylfingur HSH

Vinnuþjarkar HSH

Gunnhildur Gunnarsdóttir og Magnús Ingi Bæringsson

Sjálfboðaliðar HSH

Erna Sigurðardóttir